Jump to Navigation

هو يسأل ونحن نجيب

إن الطفل الذي يطرح العديد من الأسئلة هو طفل ذكي ومنفتح ويريد أن يعرف عن الحياة وعن عائلته وعن محيطه. لذا من حقه علينا أن نوفر له الإجابة بصدق وأمانة. نورد هنا بعض الأسئلة المتكررة لدى الأطفال.
 
 
1-    هل السمك بنام؟
والإجابة هي أنو السمك زينا بالزبط بيتعب من السباحة طول اليوم وبحتاج للراحة لكن السمك ما عندو جفون فهو بينام بدون ميغمض عنيه عشان هيك إحنا ما بنشوفه وهو نايم بس بكون أوقات واقف وما بيتحرك وقت طويل وقتها بنعرف أنو نام
 
2-    من وين بتيجي الأحلام؟
ما حدا بيعرف من وين بتيجي الأحلام لكن في ناس بتحكي أنها عبارة عن منبهات من الجسد والبيئة فلما تكون جعان بتحلم أنك بتاكل ولما تكون بردان بتحلم أنك بتلعب بالثلج وناس تانية بتحكي أن الأحلام بتنتج عن الذكريات والأمنيات والرغبات والخبرات السابقة.
 
3-    ليش القمر بيضوي بالليل ، وين بكون بنهار؟
بيلف القمر حولين الأرض باليوم الواحد لفة كاملة ولما احنا بنكون شايفين القمر بفلسطين بكونو مش شايفينو بأماكن تانية على الأرض ولما يروح القمر ونبطل شايفينو بكون وصل بدورتو لمكان تاني على الكرة الأرضية وبتكون عنا نهار وعندهم ليل.
 
4-    وين الشمس بتروح بالليل؟
الشمس موجودة في مكانها ، بس الارض بتدور ولما بتدور الارض احنا عليها بنلف معها وبنبعد عن الشمس، وهيك ما بنشوفها لحد ما ترجع الارض في لفتها مرة تانية.ولما تكون الدنيا ليل عنا وما في شمس بالسما بتكون الدنيا نهار في مكان تاني على الأرض وبتكون عندهم نهار .
5-    شو هي المصاري؟
في قديم الزمان كان الناس بتبادلو الأكل والملابس والملح والسكر بين بعض لأنو ما كان فيه مصاري فكان اللي معو سكر كتير بيتبادلو مع شخص تاني  معو مادة أخرى مفيدة بيحتاجها الإنسان ولاحقا وجد الناس أنو من الأسهل أنو يخترعو قطع معدنية وورقية ويستعملوها لتبادل المواد الرئيسية اللي بيحتاجها الناس في حياتهم وهيك تطورت فكرة المصاري
6-    ليش بنام؟
النوم حالة طبيعية لجميع الكائنات الحية بيحتاجها الجميع بشكل أساسي مثل الغذاء والماء من أجل البقاء على قيد الحياة العلماء ما زالو بيبحثوا بأسباب نوم الإنسان لكن الكل بيعرف أنو لما ننام برتاح جسدنا وبنصحا الصبح كلنا نشاط وحيوية
7-    ليش بنغسل أيدينا؟
غسيل الأيدي بالماء والصابون بعد تناول الطعام وبعد استخدام الحمام أو اللعب بالحارة أو بالألعاب أمر كتير مهم لأنو الجراثيم والبكتيريا موجودة في كل مكان وممكن تتكاثر وتصيبنا بالعدوى أثناء استخدامنا لأدوات أو طعام أو ملامسة الأسطح المختلفة وهاي الجراثيم والبكتيريا ممكن تسببنا الأمراض وبغسيل الأيدي الجيد بنمنع البكتيريا والجراثيم من الوصول لداخل جسدنا
8-    كيف بتيجي الكهربا؟\
الكهربا بتيجي من محطة الكهربا وهناك بتم توليد الكهرباء من مصادر متعددة بالفحم ، ومحطات ومصادر الطاقة المتجددة مثل الرياح والطاقة الشمسية والطاقة الكهرومائية أو السدود. وبعدين بتنتقل الكهربا بالأسلاك وبتوصل لبيوتنا شركة الكهربا بتجمع هاي المصادر وبتبيعنا ياها على شكل طاقة
9-    ليش السما زرقا؟
الضوء اللي بيجي من الشمس لونه أبيض ، اللون الأبيض بتشكل من ألوان الطيف الأزرق والأخضر والأصفر والبرتقالي والأحمر وهي بتظهر على شكل موجات ضوئية وطول الموجات الضوئية بيختلف من لون للون،  الضوء الأزرق طول موجته الضوئية أقصر من باقي الألون من شان هيك بنشوف السما  وبنشوف السما لونها أزرق
 
10-           كيف بطير العصافير؟
العصافير بتطير لانه شكل جسمهم وجناحاتهم بتساعدهم، ولانه عندهم عظم خفيف بس قوي وريش خفيف بس كتير على جسمهم وجناحاتهم.
لما بدهم يطيروا بحركوا جناحاتهم كتير لفوق وتحت عشان يمر الهواء بين جناحاتهم ويرفعهم لفوق، وهيك جناحات العصافير وكل الطيور بتساعدهم ليطيروا وبيقوا طيايرن في السماء، ويميلوا يمين ويسار .
 
11-           ليش ماما لما بتقطع البصل بتبكي؟
لما ماما بتقطع البصل، البصل بيطلع غاز هادا الغاز بيتفاعل مع أنزيمات معينة موجودة بخلايا البصلة المقطعة وهادا التفاعل بينتج غاز كبريتي... ولما  بيوصل الغاز للعين وبيتفاعل معها بينتج حامض خفيف وهو اللي بحفز الدموع اللي بعينين ماما وهيك بنزلو على خدودها وبتبين كأنها بتبكي
 Design by
 
12-           من وين بتيجي الريح؟
الريح عبارة عن حركة الهواء الموجود حوالينا وبتنتج بسبب الاختلاف في الحرارة على سطح الأرض واللي بيأدي بالتالي إلى اختلاف حرارة الهواء اللي بيتم تسخينه من قبل الشمس وبتنتج الريح أيضا بسبب الاختلاف في كثافة الكتل الهوائية الكبيرة
13-           ليش البحر مالح؟
من قديم الزمان الانهار بتصب في البحر وبتجرف معها كثير من الاملاح والمعادن الموجودة على الصخور في طريقها وبتوصلهم على البحر. وهيك الملح بضل في البحر.
لما تتبخر الميه من البحر تتصير غيوم وترجع النا مع المطر، بضل الملح في البحر ما بتبخر مع المي.
 
14-           قديش عمر الأرض؟
أخر البيانات اللي جمعها تلسكوب الفضاء هابل بتشير  أنو عمر الأرض مش أكثر من ثمانية  بلايين سنة، وهادا بينحسب من الوقت اللي بيعتقد العلماء أنو حصل فيه ما يسمى بالأنفجار العظيم لوقتنا الحالي.  
 
15-           من وين بيجي الرعد؟
لما يكون في ريح قوية ، بكون في هواء سريع كتير زي العاصفة، بطلع الهواء الدافيء لفوق وبلاقي الهواء البارد كتير الموجود في السماء العالية يمكن 10 كلم فوق الأرض، ولما بضربوا مع بعض بعملوا صوت قوي كتير وبنشوف ضوء مثل الكهرباء، وهيك بنسمع صوت الرعد وبنزل مطر كتير.
 
16-           ليش بيرمش الإنسان؟
بيرمش الانسان لتكون عيونه رطبة ومش ناشفة، والعين بترمش لحالها، وممكن ترمش 15 مرة في الدقيقة، وفي هذي الحالة بصير جوه العين دموع وبتبقى نظيفة وما بتجف.
والرموش على طرف الجفون بساعدوا العين على حمايتها من الغبار.
 
17-           من وين بتيجي المي؟
بتيجي المي من كل مكان لأنو عملية تكون الماء بتنقل الماء لكل مكان عن طريق التبخر والتسامي والتكثيف والتدفق. يعني الحرارة بتبخر المي الموجود على سطح الأرض وبيرتفع مع الهواء وبيتكثف على شكل على شكل غيمة وبعدين بيسقط المطر وهيك بتنعاد دورة المي كمان مرة
18-           لماذا نطهو الطعام؟
لأنو ببساطة ما حدا بحب ياكل الطعام ني لأنو بكون ما إلو طعم وممكن أنو تناولنا أياه بدون طهي يأذينا ، وبما أنو في أنواع مختلفة من الخضراوات واللحوم والحبوب فهي بتحتاج درجات متفاوتة في الطهي، وهناك بعض من الخضراوات اللي ما بتحتاج لطهي كتير وإذا نطهت زيادة  فهي بتفقد الفوائد اللي مناخدها منها. لكن لا شك أنو منحتاج نطهي اللحوم والدجاج بشكل كامل حتى ما تأذينا.
19-           ليش بضل ببطن ماما تسع اشهر؟
بيكبر الجنين في بطن ماما خلال التسع شهور بكون أول شي نقطة صغيرة بعدين بصيرلو أيدين وأجرين وتم وعنين وقلب بصير ينبض وبيضل يتغذا ببطن ماما ويكبر حتى يصير جنين مكتمل
20-           ليش القمر مرة بكون مدور ومرة بصير متل قرن الموز؟
في الواقع فإن القمر لا يتغير شكله لكن ما يحدث هو أن الشمس تضيء قسم من القمر وبينما تدور الأرض حول الشمس خلال الشهر فإنها تحجب القسم الآخر و نحن لا نرى إلا القسم المضيء من القمر لذلك يكون مرة على شكل قرن موز ومرة على شكل نصف دائرة ومرة مدور كالكرة ومرة لا نراه أبدا
21-           ليش الحبة بتسقط عن الشجرة لتحت وما بتطلع لفوق؟
 
وزن التفاحة بينزلها لتحت وهادا ما يسمى  بالجاذبية الأرضية اللي امكتشفها عالم أسمو نيوتن واللي حكا أنو الجاذبية أذا كانت قدرت تأثر على التفاحة فهي كمان بتوصل للقمر وهي اللي بتخليه يضل في مداره حولين الأرض بدون ميضيع في الفضا الكبير
 
22.                        ليش الليمون حامض والبرتقال حلو؟
بيحتوي الليمون والحامض على نوع من الأسيد اللي بيعطي طعم الحموضة والسكر اللي بيعطي طعم الحلاوة نسبة الحامض الموجود في الليمون أكثر من النسبة الموجودة في البرتقال فبكون الليمون أكثر حموضة والسكر الموجود في البرتقال نسبتو أكبر من لاموجود في الليمون لهيك البرتقال أكثر حلاوة
23. ليش الورق بسقط عن الشجرقبل الشتا؟
ورق الشجرة هو اللي بغذيها، يعني بطعميها، وبشتغل كل يوم زي المصنع يأخذ ضوء الشمس وبعمل غذاء للشجرة.
لما يقرب يجي الشتاء بصير اليوم اقصر وما في ضوء شمس كثير، وهيك الشجرة بتريح الاوراق كانها بتسكر المصنع، وبكون عندها اكل مخرن لكل الشتاء، فالورق اللي عليها في الخريف بتغير لونه لبني أو احمر لانه ما في شمس كفاية والليل بكون بارد،فبسقط على الارض وفي الربيع بطلع ورق جديد
 
24.  ليش قوس قزح بظهر بالشتا وما بظهر بالصيف؟
ينتج قوس قزح من تحلل ضوء الشمس نتيجة لانكساره في قطرات الماء في الشتاء ويظهر عندما ترتفع الشمس من خلف الغيوم ويظهر في الجهة المعاكسة لها لذلك لا ترى قوس قزح إن نظرنا نحو الشمس ولكن عليك أن تدير ظهرك لها لتراه وفي الواقع قوس قزح عبارة عن دائرة لكننا لا نراى إلا النصف الدائري الذي يوجد في الأفق
25. ليش الثلج ابيض؟
الثلج ما بكون اذا ما كان ابيض. بيجي الثلج من بلورات المية (الماء) المجمدة، وهذه البلورات مجمعة مع بعض باشكال احنا ما بنشوفها ملزقة وحدة مع التانية، وهذي الاشكال لما بيجي عليها الضوء اللي كله الوان بطلع منها بس لونه ابيض، لانه مجموع كل الالوان بتعمل لون ابيض.
الإنسان بيتنفس من الرئتين، و السمك يتنفس من الخياشيم، والفرق بين رئة الانسان، وخياشيم السمك: أن الرئة تاخذ الأوكسجين الموجود في الهواء، بينما خياشيم السمك تأخذ الهواء الموجود في الماء؛ لذلك يموت السمك عندما يخرج من الماء؛ لأن خياشيمه لا تستطيع ان تتنفس الأوكسجين الموجود في الهواء.
 
عند الجلوس في وضع غير مريح، يمتنع الدم عن السير بسهولة في القدم أو الرجل، لذلك نشعر بالتنميل. ولكن عند تحريك الأرجل يعود الدم إلى سيره العادي. ويقال عن ذلك تنميل؛ لأنه عندما يعود الدم بالتحرك، وكانه جيش من النمل
 
 
معجون الأسنان عبارة عن مزيج من الخل والعسل والملح والزجاج المسحوق. أما الذي اخترع معجون الأسنان, فهو طبيب لاتيني- اسمه " سكريبونيوس لارغوس"- في نهاية القرن الأول الميلادي.
 
 
هناك العديد من الحيوانات والطيور التي يمنكها أن ترى مثل الإنسان تمامًا، ويمكن أن يكون نظرها أقوى مثل الصقر قوة نظره أكثر 8 مرات من قوة النظر عند الإنسان. أما الفيل، فلديه نظر ضعيف جدًا. و بالنسبة للحشرات ومنهم النحل فلها عيون معقدة تتكون من آلاف العدسات
 
 
 
لان الانسجة الملونة المسئولة عن تلوين الشعر تصبح ضعيفة كلما كبر الانسان في السن. فيتغير لون الشعر الى الابيض
 

 



التقويم

28

Article | by Dr. Radut